《天 空 之 鏡》
傳說中既南美大絕-玻利維亞天空之鏡。一年前我話過我一定要親眼見到佢，而今日我終於見識到佢既盧山真面目。
靚。一個字，好撚靚。認真，靚景我真係見過唔少。土耳其既棉花堡、阿根廷既冰川、美國大峽谷、紐西蘭是但一個湖、捷克CK小鎮風光、奧地利Hallstatt 夜景⋯全部全部都係我會記得一世既世界級靚景。但係愈見得多，好自然慢慢有審美疲勞，而呢一個moment天空之鏡將我帶左去另一個境界。
講到禁神，唔怕講埋你知點去。我係智利atacama join三日兩夜團去uyuni 既。用BNO一秒過關連黃熱針卡都無睇。要留意呢個團係睇唔到有水既天空之鏡架，但就可以係仙人掌島睇鹽湖日出。如果要睇倒影就要係uyuni參加日出/日落團。900蚊一架車，愈多人就愈平，最多7個人。我就參加日落團，睇曬藍天白雲/日落黃昏/星空，寫包單每一刻都值得你記十世。
提下你，影天空之鏡好天當然好啦，但如果太好天完全無雲，影相就會無禁靚。如果要影星空就記得帶腳架同羽絨，日落之後真心好凍，日出團相信會更加凍。
鹽湖好多地方都有，但有水同無水真係差好遠好遠。一生人一次，玻利維亞天空之鏡，你一定要去一次。
Btw要睇靚相，follow我IG: wanderlustkanya
Salar de Uyuni, Bolivia
Search